ECIKS - Arkiva e Lajmeve

Prishtinë, 16 prill 2004 - Kryeministri Bajram Rexhepi, i shoqëruar nga ministrat Bexhet Brajshori, Ethem Ceku, si dhe nga zëvendësadministratori Charles Brayshaw dhe përfaqësuesit e vendeve të Quint-it përuruan të ejten kompleksin e renovuar të banimit në “Ulpianë” të Prishtinës e cila ishte dëmtuar gjatë protestave të 17 dhe 18 marsit, njofton Zyra për Informim e Kryeministrit.

Riparimi i kompleksit të banesave me serbë është bërë nga fondi i Qeverisë së Kosovës.

Me rastin e përurimit të objektit të renovuar, kryeministri Rexhepi u shpreh se pas dy javësh punë po bëjmë përurirmin solem të kësaj ndërtese, e cila dy javë më parë i ka ngjarë një godine të djegur sikurse në Irak, ndërsa sot ajo është e gatshme për banim.“Me renovimin e këtij objekti Qeveria e Kosovës dëshmon gatishmërinë për të marrë përgjegjësi dhe kompetenca. Por, ky është vetëm një hap i parë, ndërsa brenda dy javësh do të fillojë riparimi edhe i shtëpive të djegura në qyetet tjera të Kosovës. Sa i përket kishave dhe monumeteve tjera fetare do të bëhet një vlerësim i veçantë në bashkëpunim me ekspertët ndërkombëtarë dhe më pastaj do të bëhetë riparimi i tyre”, theksoi kryeministri Rexhepi.

Me këtë rast kryeministri Bajram Rexhepi gjithashtu u shpreh se është i domosdoshëm integrimi I pjesëtarëve të minoritetit serb në shoqërinë e Kosovës dhe se ata duhet ta kuptojnë se problemet e tyre nuk do të zgjidhen në Beograd, por në Prishtinë, thuhet në fund të komunikatës.

ECIKS